學煮粥仔

健康院話6-7個月可以整粥仔，分享下媽媽係FACEBOOK留下的心得，我都要跟她們學習學習:-


懶人煲粥仔方法:

所需工具係一個保暖壺

係朝早返工前, 洗好米放入暖壺, 然後煲d熱水 (要煲到大滾, 唔要係熱水壺汁出黎個d), 大滾後就倒埋入暖壺返焗d米, KUM好個暖壺蓋, 就可以出門口返工到放工返到屋企, 你只需要將暖壺里面既米 (其實已經變左做開哂花既飯 OR 粥, depends on 你放得多唔多水) 倒到煲內煮返滾, 加埋菜&肉(有需要就再加d水)就搞掂, 10分鐘內就可以有粥食啦.

學食固體食物小智識

5個月打後:

初初學食固體食物的bb,煲的粥要稀些.你洗左米後,最好先浸3​小時,再煲,咁d粥會爛些,bb易入口. 5個幾月開始食杰​d既白米水,煲到好似yohurt 咁, 似sticky米水比bb習慣吓先, 之後就開始食稀粥.慢慢來啦, 比bb一個適應期用spoon 食嘢同學吞嘢.中間有時間比生果茸. 現在奶奶仲係bb既主要食物來架, 所以唔洗過份迫BB食大多份量既粥仔。

bb一開始食粥先比菜茸瓜茸薯茸果d先啦, 一來易d消化, 如紅蘿蔔切細用製作bb食物果個磨茸器磨紅蘿蔔茸, 放入粥仔一起煲, 咁就好快lam 架啦,bb呢個歲數食, 南瓜/薯仔/蕃薯/節瓜/冬瓜/菠菜/莧菜/菜芯/​小棠菜會正氣少少, 菜茸可以用水烚林,用把BB專用較剪剪到好碎, 先要菜葉, 莖暫時唔食得住, 切碎既菜加入去一齊煲3-4分鐘左右,D 菜就會KEEP 得新鮮D, 又唔怕鞋口. 南瓜/薯仔/蕃薯呢D可以蒸熟壓茸放入粥仔, 節瓜/冬瓜可以先切細, 凍水同米一起煲, 煲到差唔多可以用支木捧壓爛, 一星期- 10日後先開始食稀粥.

6-7個月

 節瓜米糊

 莧菜米糊

 菜芯米糊

 節瓜菜芯米糊

 薯仔莧菜米糊

 菠菜蕃薯米糊

 薯仔小棠菜米糊

 薯仔白菜米糊

 莧菜節瓜米糊

 甘荀菜芯米糊

 潺菜薯仔米糊

 蛋黃1/3(壓碎)+節瓜粥

 蕃薯潺菜粥

 小棠菜南瓜粥

 蛋黃冬瓜菜芯粥

 蕃薯白菜粥

 蕃薯小棠菜冬瓜粥

 節瓜菜芯(粟米掉味)

薯仔紅蘿蔔莧菜粥

 蛋黃冬瓜蓉菜芯粥(冬瓜連皮凍水同米一起煲)

蕃薯白菜粥(粟米掉味)

蛋黃節瓜紅蘿蔔津白葉粥

本書公仔同8號一樣前面多D頭髮