8號仔

昨天囝囝要返健康院打針，仲打3支，仲越來越粗..真係心痛死。

首先到健康院要先磅重，我同C6等護士叫，等左一陣有個護士係廣播器叫8號，8號。我同C6都無在意，之後我想下想下係咪叫囝囝呢。佢叫"柏澔"，入到去原來真係叫囝囝。由個刻開始佢就多左個NICK NAME: 8號仔。

8號仔生長好好有8.75KG, 高70CM, 站立都好好，又識同護士玩。下次1歲先再去健康院。

個3支針都好粗，但8號仔都只係叫左2聲都好叻仔，。我見到都想喊。回到家，睡左一陣，好采都無發燒，晚上就早左睡。

另外，我都向護士問左係咪一定要6個月時要轉2號奶粉，護左話無醫學報告話要轉，仲話2號多D蛋白質可能會去唔到便便。